2013 අංක 33 දරණ ක්‍රීඩාවල යෙදීමේදී උත්තේජක ද්‍රව්‍ය ගැනීමට එරෙහි සම්මුති පනතේ බලතල ප්‍රකාරව, ශ්‍රී ලංකාව තූළ උත්තේජක මර්දන ක්‍රියා සැලසුම් කිරීම, සම්බන්ධිකරණ කිරීම, ක්‍රියාත්මක කිරීමට අපි ක්‍රියා කරන්නෙමු. ඒ සඳහා ශ්‍රී ලංකා උත්තේජක මර්ධන නියෝජ්‍යායතනයේ විශේෂ පැමිණිලි ඒකකයක් ස්ථාපිත කොට ඇත.
පිරිසිදු ක්‍රීඩා පරිසරයක් ගොඩනැංවීම සදහා පවතින තර්ජන, බාධා හදුනා ගනිමින් ඒවා වැළැක්වීම සදහා අවශ්‍ය නිවැරැදි තොරතුරු එක්රැස් කිරීම, විශ්ලේශනය කිරීම හා තක්සේරු කිරීම නියෝජ්‍යායතනය විසින් කරනු ලබයි. ඒ තුළින් අවිනිශ්චිතභාවය අවම කරමින් විධායක මෙහෙයුම්කරණ ක්‍රියාවලියට අවශ්‍ය තොරතුරු යාවත්කාලීන කිරීම, ශ්‍රී ලංකා උත්තේජක මර්ධන නියෝජ්‍යායතනයේ බලාත්මක කිරීම හා ක්‍රියාත්මක කිරීම් අංශයේ විශේෂ පැමිණිලි ඒකකයේ ප්‍රමුඛතම කාර්යය වේ.